Q. ආටානාටිය, මහා සමය වැනි සුත්‍ර වල භාෂා විලාශය වෙනත් සුත්‍ර වලට වඩා වෙනස් ද?
A. සකු (සංස්කෘත) ආදී භාෂා හෝ නොයෙක් භාෂා කාල පරාසයන්ගේ සම විසමතා ගෙනහැර දක්වමින් ඇතැමුන් ඉදිරිපත් කරන පුහු තර්ක මතවාදවලට බොරු පණ්ඩිතකම්වලට රැවටෙන්න එපා!
අද අපි කතා කරද්දීත් කාල කීයක, භාෂා කීයක් මිශ්‍රිතව ද කතා කරන්නේ කියලා ගොඩක් අය දන්නේ නෑ. භාෂා කිහිපයක් දැනගෙන සිටින අයගේ කථා ව්‍යවහාරයට එසේ නොයෙක් භාෂා ලක්ෂණ, ව්‍යාකරණ වින්‍යාස, කාල පරාස ආදිය එක් වීම සාමාන්‍ය දෙයක්.
භාෂා දෙක තුන ... හය විතරක් නොවේ භාෂා 18ක් දැනගෙන සිටි අය එදා හිටියා. භාග්‍යවතුන් වහන්සේගේ භාෂා කෞශල්‍යය හා දැන සිටි භාෂා ප්‍රමාණය සිතාගන්න වත් නොහැකි පරාසයක ඇති කල්හි, ඒවා ගැන ශ්‍රද්ධා මාත්‍රයක් නැති, දැනුම් මාත්‍රයක් නැති අයගේ හෝ, කිසිදු ගැළපීමක් නැති සම-විෂමතා රුවා දක්වමින් "ඇදබාන" සංසන්දනාත්මක හුදු (කෙස් පැළෙන පුහු) තර්කවලට හෝ හසු නොවන්න!
ඇතැම් (බක) පණ්ඩිතයන්ගේ (අති) පණ්ඩිත වදන්වලට හෝ, ඇතැම් විශ්වවිද්‍යාල නිබන්ධනයනට හෝ, වෙනත් කිසිවකට හෝ මුලා නොවන්න!
# භාග්‍යවතුන්වහන්සේගේ ශ්‍රී-මුඛ-පද්මයෙන් ම සුදේශීත මෙන් ම අදේශිත ඇතැම් සූත්‍ර, දේශනා, ඇතැම් පසුකාලීන පිරිත් ආදි ගැන ද මෙහි ලා ම කෙටි වුව ද සටහනක් තැබීම කාලෝචිත ය: ඒවා හෝ එවැනි ඕනෑම දේශනාවක් ධර්මානුකූල නම් (පමණක්), එහි මුල් කර්තෘත්ත්වය භාග්‍යවතුන්වහන්සේ ම උසුලන/දරණ බවයි—එය ද ශ්‍රී-මුඛ-බුද්ධ-දේශනයක් ම බවයි.
