Q. ඕනෑම පිනක් කුසලයක් සිදු කර, ප්‍රර්ථනා කළ යුතු හොඳම ආකාර හා හොඳම ප්‍රාර්ථනා 10 මොනවාද?

A. අඩු-වැඩිය එක්කොට/අඩුකොට ඔබට කැමති පරිදි සකසා ගත හැක:-

පළමුව: {I.} කර්ම-කර්ම ඵල අදහා ගෙන ම අදාළ පින-කුසලය සිදු කොට, “මේ පිනෙන්/කුසලයෙන් ජනිත සියලු යහපත් ශක්තීන් (කුසල ශක්තීන්) ත්‍රෛකාලීන ත්‍රිවිධ රත්නයටත්, ත්‍රෛකාලීන සියලු ම සත්ත්වයන්ටත් (සෑම සත්ත්වයෙකු හටත්), ත්‍රෛකාලීන විශ්වයටත් (කර්ම-කර්ම ඵල අදහා ගෙන ම) අනුමෝදන් කරමි - (එකී එක් එක් පාර්ශව) අනුමෝදන් වේවා!” 

{II.} “මා මෙන් ම ත්‍රෛකාලීන සත්ත්වයෝ (සිතින්-කයින්-වදනින් ත්‍රෛකාලීනව සසර වසනා තුරාවට,) කළ/කරන සියලුම පිං-කුසල් ද, එසේ ත්‍රෛකාලීන සත්වයන් විසින් කොට (ත්‍රෛකාලීනව) අනුමෝදන් කළ-කරන පිං-කුසල් මම ද (කර්ම-කර්ම ඵල අදහා ගෙන ම) අනුමෝදන් වෙමි!”

{III.} “නැවත ද, ඒ කුසල් (මාගේ ද-ඔවුන්ගේ ද) ඒ සියලු කුසල ශක්තීන්: ත්‍රෛකාලීන ත්‍රිවිධ රත්නයටත්, ත්‍රෛකාලීන සියලු ම සත්ත්වයන්ටත් (සෑම සත්ත්වයෙකු හටත්), ත්‍රෛකාලීන විශ්වයටත් (කර්ම-කර්ම ඵල අදහා ගෙන ම) අනුමෝදන් කරමි - අනුමෝදන් වේවා!” යැයි සිතා/කියා/පතා; 

දෙවනුව: “සසර වසනා තුරාවට, මාගේ ද සෑම සත්ත්වයකුගේ ද (මූලික ම) අරමුණ නිවන් දැකීම ම වේවා! (බොහෝ කොට) පිං-කුසල් රැස් කිරීම ම වේවා!” යැයි සිතා/කියා/පතා; 

තෙවනුව: (මෙයින් ජනිත / එසේ තුන්/සතර ආකාරයකින් උපන්) මේ කුසල ශතීන්/මේ පින් (ආනුභාවයෙන්/හේතු කොට ගෙන):

1. හැකි ඉක්මනින් (වහ වහා) සැපසේ නිවන් දැකීමට ම (සොවහන් වීමටවත්) හේතු-වාසනා වේවා!

2. (එසේ) නිවන් දකිනතාක් සුගතියේ ඉපදීමට ම හේතු-වාසනා වේවා!

3. නිවන් දකිනතාක් ත්‍රිහේතුක වීමට ම හේතු-වාසනා වේවා!

4. නිවන් දකිනතාක් (ඔබ ස්ත්‍රී වුවත්, පුරුෂ වුවත්) පුරුෂ ආත්ම භාවයක් ලැබීමට ම හේතු-වාසනා වේවා!

5. ආයු - නිවන් දකිනතාක් කැමති පරිදි හෝ, අදාළ භවයේ පූර්ණ ආයු පරිච්ඡේදය (ආයුෂ) භුක්ති විඳීමට ම හේතු-වාසනා වේවා!

6. වර්ණ - නිවන් දකිනතාක් කැමති පරිදි හෝ, ප්‍රිය-මානප ඡවි වර්ණයෙන් යුක්ත වීමට ම හේතු-වාසනා වේවා!

7. සැප - නිවන් දකිනතාක් කැමති පරිදි හෝ, මනා-යහපත්-නිරෝගී අඟ-පසඟ ගත-සිත ලැබීමටත්, ආහාර-පාන ඇඳුම්-නිවාස යාන-වාහන මිල-මුදල් .... ආදී සියල්ල පහසුවෙන් ලැබීමට ම හේතු-වාසනා වේවා!

8. බල - නිවන් දකිනතාක් කැමති පරිදි හෝ, කායික - මානසික - සාමාජයීය බලය ලැබීමට ම හේතු-වාසනා වේවා!

9. ප්‍රඥා - නිවන් දකිනතාක් කැමති පරිදි හෝ, ඉහත/පහත සියල්ලට — භවයේ/සසර සියල්ලට නොඇලී/නොගැටී/නොමුලා වී සිටීමට, නොයෙක් ආකාරයේ ප්‍රඥා (මෙය කියවන්න) ලැබීමට හේතු-වාසනා වේවා!

10. ආරක්ෂාව - සසර වසනා තුරාවට (වහ වහා සැපසේ නිවන් දැකීමට ම, බොහෝ කොට පිං-කුසල් කිරීමට ම), සෑම චිත්තක්ෂණයක් පාසා ම, තිවිධ රත්නයේ ආනුභාවයෙන් - චිත්ත ශක්තියේ ආනුභාවයෙන් -  විශ්ව ශක්තියේ ආනුභාවයෙන් - ශාසන මාමක, හිත කැමති, සම්‍යක් දෘෂ්ටික, ඉෂ්ට කාරක දෙවි-දේවතාවුන්ගේ ආනුභාවයෙන්, සියලූ ම (වර්ගයේ අතුරු-අන්තරා, අණ-විණ, කොඩි විණ, හදි-හූනියන්, ඇස්වහ-කටවහ-සිත්වහ, අපල-උපද්‍රව, ශාප-බාධක, දුක්-කම්කටොලු, දුක්-කරදර, බලපෑම්-අහිමිවීම්, තර්ජන-ගර්ජන, .... ජීවිත අනතුරු ආදියෙන්) කායික - මානසික - සාමාජයීය ආරක්ෂාව-රැකවරණය මට (ද, සෑම සත්ත්වයකුට ම ද) ලැබීමට ම හේතු-වාසනා වේවා!