.gif)
Q. බුදුදහම කියන්නෙ මොකක්ද කියල ඇහුවොත් පිළිතුරු කුමක් විය යුතුද?
A. ප්‍රඥාව.
[බුදුදහම = ප්‍රඥාව.]
T. {# බොහෝ දෙනා නොයෙක් නොයෙක් ආකාරයේ ප්‍රශ්න-ගැටළු නැඟීම හා එකම ප්‍රශ්නය නොයෙක් වර (නොයෙක් වේශයෙන්) ඇසීම සහ එකම ප්‍රශ්නයට විවිධ උත්තර / පිළිතුරු / ප්‍රතිචාර හෝ අදාළ නොවන දෑ ප්‍රකාශ කිරීම.
# ධර්මානුකූල පිළිතුරු පවා නොපිළිගැනීම / නොතේරීම.
# තමාගේ මතයට ගැලපෙන දේ / පුද්ගලයන් පමණක් මත යැපීම හා අනවශ්‍ය වාද-විවාද - ප්‍රශ්නොත්තර - සාකච්ඡා මඟින් කාලය කා දැමීම.
# ත්‍රිවිධරත්නයට ගරුසරු ඇතිව (සිතින් / කයෙන් / භාෂාවෙන්) නොසැලකීම.
# ත්‍රිවිධරත්නයට (සිතින් / කයෙන් / භාෂාවෙන්) සැහැල්ලුවෙන් හෝ හාස්‍යයෙන් සැලකීම.
# ත්‍රිවිධරත්නය පිළිබඳව (සිතින් / කයෙන් / භාෂාවෙන්) නොයෙක් සැකසංකා ඇතිබව.
# අධර්මයෙන් ධර්මය වෙන්කර ගැනීමේ නොහැකියාව.
# ත්‍රිවිධරත්නයේ ගැඹුර හෝ වටිනාකම හෝ බරපතලකම නොවැටහීම.
(බෞද්ධ හෝ අන්‍යාගමික අබෞද්ධ හෝ “ප්‍රඥාවන්තයාට” ඒවා මඳක් හෝ වැටහේ.)
# තමාට අනුන්ගේ හෝ තමාගේ ම සිත (අරමුණු, චින්තනය, වදන් - භාෂාව, හැසිරීම්, අදහස්, ඥාන මට්ටම, තත්ත්වය, හැකියා - නොහැකියා, කුසල් - අකුසල්, පිං - පව් ආදිය) හඳුනා ගැනීමට හැකි නොවීම.
# සැබෑ බුද්ධිමතුන් / උගතුන් / ප්‍රඥාවන්තයන් / ඥානවන්තයන් හෝ සැබෑ ධර්මධර / විනයධර / ත්‍රිපිටකධර ආදී හෝ සුපේශල / සික්ශාකමී / ධර්මානුධර්මපටිපන්න හෝ සැබෑ භාවනානුයෝගී / ධ්‍යානලාභී / මාර්ග-ඵලලාභී උතුමන් / උතුමන් වහන්සේලා දුර්ලභ (සුලබ නො) වීම.
ආදිය “බුදුදහම = ප්‍රඥාව” බවට උදාහරණ කිහිපයකි.}
