Q. මහා වංසයෙ සදහන් ලෙස ඇත්තටම ස්වර්ණමාලි මහා සැය ඉදි කිරීමට 96 කෝටියක් රහත් න් වහන්සේ ලා වැඩිය ද?  ත්‍රිපිටකය තුල මේ සම්බන්ද ව නෑ නේද?? දීපවංසය තුල ත් මේ සම්බන්ද ව නෑ නේද?

A. එසේ අනූහය කෝටියක් (සයානු කෙළක්) රහතන් වහන්සේලා වැඩි බව (අප දන්නා පරිදි) සඳහන් වන්නේ, 

1. මහාවංශය, හා; 

2. ථූපවංශය, 

තුළ ම පමණි.

S. 1. සමාගතානං සබ්බෙසං, භික්ඛුනං තං සමාගමෙ;

වුත්තා ඛීණාසවායෙව, තෙ ඡන්නවුතිකොටියො.

2. “භික්ඛූනං දීපවාසීනං-ආගතානඤ්ච සබ්බසො,

ගණනාය පරිච්ඡෙදො-පොරාණෙහි න භාසිතො;

සමාගතානං භික්ඛූනං-සබ්බෙසං තං සමාගමෙ,

වුත්තා ඛීණාසවායෙව-තෙ ඡන්නවුති කොටියො;”

T. නමුත්, රහතන්වහන්සේලාගේ හෝ භික්ෂූන් වහන්සේලාගේ කෝටි ගණනින් වූ එක්රැස්වීම් (සන්නිපාතයන්) ගැන ත්‍රිපිටකයෙහි නොයෙක් තැන්හි සඳහන් වන බැවින්, ඉහත "මහාථූප 96 කෝටි සඳහන" ද සැක කළ යුතු නොවේ.

උදාහරණය 3ක් පමණක් පහත දැක්වේ.

# "කෙළසියදහසක් රහතුන්ගේ ප්‍රථම සන්නිපාතය ද, කෙළදහසක්හු ගේ දෙවන සන්නිපාතය ද අනූකෙළක් රහතුන්ගේ තුන්වන සන්නිපාතය ද වී.

# "ඉක්බිති මංගල ලෝකනාථයාණෝ මේඛල නුවර වසන්නාහු දසදහසක් තරුණයන් පිරිවැරූ සුදේවද ධම්මසේනද බුදුන් වෙත ඒහි භික්‍ෂු පැවිද්දෙන් පැවිදි වූහ. මැදින් පුන් පොහෝ දින පිරිවර සහිත දෑගසව්වන් රහත් වූ කල භාග්‍යවතුන් වහන්සේ කෙළ ලක්‍ෂයක් භික්‍ෂූන් මධ්‍යයෙහි පාමොක් දෙසූහ. මේ දෙවන සන්නිපාතය විය. සුනන්‍ද සක්විති සමාගමයෙහි අනූකෝටිලක්‍ෂයක් භික්‍ෂූන් මැද පාමොක් උදෙසූහ. මෙය තෙවන සන්නිපාතය විය. එයින් කියන ලදි-

👉 අනෙක් අතට, සත්ත්වයන් අනන්ත බැවින් ද, බුදු සසුන විරල බැවින් පිනැති සත්වයෝ එකල බොහෝ ඉපිද සිටි බැවින් ද, පාරමිතා හෝ ප්‍රර්ථනා හෝ ඉන්ද්‍රිය ධර්ම වැඩුණු සත්වයන් ගණනින් දැක්විය නොහැකි බැවින් ද, (ඕනෑම) බුදුන්වහන්සේ (නමක් ජීවමානව) වැඩ වෙසෙන කාලයේ හා ඒ ආසන්න කාලයේ අපට හිතා ගත නොහැකි ප්‍රමාණයේ භිෂූන් වහන්සේලා හා ආර්යයන් වහන්සේලා ප්‍රමාණයක් වැඩ විසූ බව පුදුමයට කරුණක් නොවන බව ද කිව හැක.