Q. ඇත්තටම නිවන් දකින්නේ කොහොමද? එක එක්කෙනා එක එක විදියට කියනවා, ඒකයි මේ ප්රශ්නය අහන්නේ, කෙටි පැහැදිලි කිරීමක් කරන්න පුළුවන්ද?
A. නිවනට පැමිණීමට අනන්ත න්යායන් ඇති බව කියනු ලැබේ. ඒ කුමන ක්රමවේදයක් අනුගමනය කළත්, එනම්: සමථ භාවනාවෙන් විදර්ශනාවට හැරුණත්; විදර්ශනාවම වැඩුවත්; ඒ දෙකම යුගනද්ධ වශයෙන් ම වැඩුවත්; සතර සතිපට්ඨානය වැඩුවත්; පංච උපාදානස්කන්ධයන්ගේ උදය-ව්යය බැලුවත්, ඒවා ත්රිලක්ෂණයට නැගුවත්; ... ආදී කුමන ක්රමයක් අනුගමනය කළත් කිසිසේත්ම නිවන් දැකිය නොහැක.
එසේ කියන්නේ: නිවන් දැකීමට නම් විමෝක්ෂය නම් වූ ලෝකෝත්තර මාර්ගයට පැමිණීමට අවශ්ය විමෝක්ෂ මුඛ යන අනිත්ය දුක්ඛ අනාත්ම ලක්ෂණයන් සහ පරමාර්ථ ධර්මයන් ධර්මානුකූල වශයෙන්, ඉතා ම ගැඹුරින්, ඒවාගේ සැබෑ අර්ථය සිතට ගෙන ම, විදර්ශනා වැඩිය යුතු බැවිනි.
සැලකිය යුතුයි: නිවන් දැකීමට අත්යවශ්ය අනිත්යය යනු ඔබ සිතා සිටින අනිත්ය ද නොවේ; දුක යනු ඔබ සිතා සිටින දුක ද නොවේ; අනාත්මය යනු ඔබ සිතා සිටින අනාත්මය ද නොවේ. පරමාර්ථයෝ ද එසේ ම ය.
# මෙම ලිපිය මූලාශ්ර ද එක් කොට සවිස්තරව පළකිරීමට බලාපොරොත්තු වන නමුත්, ධර්ම සාකච්ඡාවක් මගින් ම පැහැදිලි කර ගැනීම වඩා යෝග්ය යැයි සිතන බැවින්, කරුණාකර අප හා සම්බන්ධ වීමට මෙතන ඔබන්න!
